Get the latest news at
your fingertips!
Download our app now
LIVE TV
Search
ഇംഗ്ലണ്ടിനെതിരെ ജൂൺ 20 ന് തുടങ്ങുന്ന ടെസ്റ്റ് പരമ്പരയ്ക്കുള്ള ഇന്ത്യൻ ടീമില്‍ യുവതാരം സര്‍ഫറാസ് ഖാനെ ഉള്‍പ്പെടുത്താതിരുന്നതിനെതിരെ വിമര്‍ശനവുമായി മുന്‍ താരവും കമന്‍റേറ്ററുമായ ആകാശ് ചോപ്ര. ഇംഗ്ലണ്ടിൽ കളിപ്പിക്കാതിരിക്കാനുള്ള എന്ത് തെറ്റാണ് സർഫറാസ് ചെയ്തതെന്നും ഒരാളെ മുൻവിധികളോടെ കാണരുതെന്നും ആകാശ് ചോപ്ര പറഞ്ഞു.
ഇംഗ്ലണ്ട് ടെസ്റ്റിനൊരുങ്ങി തന്റെ ഭാരക്കൂടുതൽ വരെ പരിഹരിച്ചവനാണ് സർഫറാസ്, നീണ്ട കാലത്തെ അധ്വാനം അതിലുണ്ടായിരുന്നു, എന്നാൽ ബിസിസിഐ ഇതെന്നും കണ്ടില്ലെന്ന് നടിച്ചുവെന്നും ചോപ്ര കുറ്റപ്പെടുത്തി.
കഴിഞ്ഞ വര്‍ഷം ന്യൂസിലാന്‍ഡിനെതിരെയുള്ള പരമ്പരയിലും ഓസ്ട്രേലിയക്കെതിരായ പരമ്പരയിലും താരം ടീമിലുണ്ടായിരുന്നു. ന്യൂസിലാൻഡിനെതിരായ ആദ്യ ടെസ്റ്റിൽ 150 റണ്‍സ് നേടി തിളങ്ങിയ സര്‍ഫറാസിനെ ഓസ്ട്രേലിയക്കെതിരായ ടെസ്റ്റ് പരമ്പരയിൽ ഒരു മത്സരത്തിൽ പോലും പരിഗണിച്ചില്ല.
പിന്നീട് ഇംഗ്ലണ്ടിനെതിരായ പരമ്പരക്കുള്ള ടീമിലേക്കും സെലക്ടര്‍മാര്‍ പരിഗണിച്ചില്ല. എന്നാല്‍ ഇംഗ്ലണ്ട് ലയണ്‍സിനെതിരായ അനൗദ്യോഗിക ടെസ്റ്റിൽ 90 റണ്‍സടിച്ച സര്‍ഫറാസ് ഇന്ത്യൻ സീനിയര്‍ ടീമുമായുള്ള ഇൻട്രാ സ്ക്വാഡ് മാച്ചിൽ സെഞ്ച്വറിയും നേടി അർഹത തെളിയിച്ചു.
Content Highlights: Aakash Chopra Slams BCCI Selectors: 'What Wrong Has Sarfaraz Khan Done?
